fridrikv.is

Friðrik V Restaurant

P÷nnusteiktur lax me­ sesamfrŠum, tzatziki og s˙rsŠtri sveppasˇsu

Fyrir 4 til 6 manns


4 til 6 laxastykki (180 g), bein- og roðlaus

1 eggjahvíta

salt og pipar

½ dl sesamfræ

2 msk sesamolía

olía til steikingar


Aðferð

Þeytið eggjahvíturnar létt, veltið laxinum upp úr þeim og stráið sesamfræjunum yfir.

Hitið pönnu vel, hellið sesamolíunni ásamt hinni olíunni út á pönnuna og steikið laxinn á meðalhita (snúið roðhliðinni upp) þangað til laxastykkið er gullið að lit. Þá er fiskurinn tekinn af pönnunni og látinn standa í 100°C heitum ofni í 10 mín. Gott er að gera sósuna og meðlætið áður en fiskurinn er steiktur.


Súrsæt sveppasósa

3 dl vatn (eða fisksoð)

1 dl hvítvínsedik

1 dl sykur

1 msk tómatpurré

½ sítróna

1 laukur

maisenamjöl til þykkingar

100 g sveppir

2 msk sesamolía

2 msk steinselja


Aðferð

Sjóðið vatn eða soð ásamt ediki, sykri, purré, sítrónu og lauk í 30 til 40 mín. Sigtið og jafnið með maisenamjöli.

Skerið sveppina í sneiðar og brúnið í sesamolíunni, stráið steinselju yfir og setjið út í sósuna.


 

Tzatziki

1 agúrka

1 jógúrt

2 söxuð hvítlauksrif

2 msk saxað ferskt dill

3 svört piparkorn

4 kóreanderfræ

Salt


Skerið agúrkuna í 5mm þykkar sneiðar, stingið kjarnann úr og saltið létt. Hrærið jógúrtið út með saxaða hvítlauknum og dillinu. Maukið fræin í morteli og blandið saman við jógúrtblönduna. Skolið saltið af agúrkunum og blandið saman við jógúrtið.

Raðið agúrkunum upp í turn og setjið á diskinn ásamt laxinum og sósunni. Gott er að bera fram steikt grænmeti með þessum rétti.

Mynd augnabliksins

nemendur_2146.jpg

Pˇstlistar

Deildin

Framsetning efnis

English
moya - Útgáfa 1.12 2007 - Stefna ehf

Innskrßning