fridrikv.is

Friðrik V Restaurant

Svínahamborgarhryggur meğ Coka cola sósu

Fyrir 6 


1,5 til 2 kg KEA hamborgarhryggur á beini

1 – 2 lárviðarlauf

kalt vatn

3 – 5 svört piparkorn


Aðferð

Setjið hryggin á pott ásamt laufunum og piparkornunum,hellið köldu vatni yfir þannig að fljóti vel yfir setjið yfir, látið suðuna koma hægt upp og sjóðið við væga suðu í u.þ.b. fjörutíu mínútur takið þá af hitanum og látið standa í soðinu í hálfa klukkstund áður en hryggurinn er skorin af beininu, settur í eldfast mót, karmelluhjúpnum hellt yfir og kjötið bakað í 170°c heitum ofni í u.þ.b þrjátíu mínútur eða þar til karmellan er fallega gullin.


Karmelluhjúpur

1 bolli sykur

2 msk sítrónusafi

2 msk tómatsósa

1 msk sætt sinnep

½ dl rjómi


Aðferð

Bræðið sykurinn og sítrónusafan á heitri pönnu þar til blandan fer að brúnast þá er tómatsósunni, sinnepinu og rjómanum blandað saman við og allt soðið saman í nokkrar mínútur eða þar til að blandan er orðin hæfilega tegjanleg eins og karamella. Athugið að nota ekki allan hjúpinn á kjötið þar sem við þurfum u.þ.b 2/3 desilítra í sósuna.


Coka cola sósa

2/3 dl karmelluhjúpur

1 lítil coke

4 dl soð af hamborgarhryggnum

kjötkraftur

sósujafnari

1 dl rjómi

pipar 

örl. Sósulitur


Aðferð

Setjið karamelluna og kókið út í soðið og sjóðið vel niður áður en sósan er smökkuð til, lituð og þykkt. Þegar það er búið er rjóminn settur saman við og sósan soðinn í fimm til tíu mín við væga suðu eða þar til fallegum gjáa er náð.


Með þessu mælum við með nýsoðnu grænmeti, rauðkáli og pönnusteiktum kartöflum.


Sykurbrúnaðar kartöflur henta ekki vel í þessu tilfelli vegna þess að sósan er sæt og einnig er karmella á kjötinu. Þessa aðferð og þessa sósu má einnig nota á KEA bayonneskinku.

Mynd augnabliksins

img_0433.jpg

Póstlistar

Deildin

Framsetning efnis

English
moya - Útgáfa 1.12 2007 - Stefna ehf

Innskráning