Fyrir 4 til 6 manns
4 til 6 grísakambsneiðar, 210 til 230 grömm hver, með beini
½ dl olía
35 sniglar (frosnir eða úr dós)
2 dl sambucca
3 skalottlaukar (smáttsaxaðir)
2 hvítlauksrif (gróft söxuð)
1 msk olía
½ l grísasoð
1 lárviðarlauf
1 stjörnuanis
salt og pipar
kornsterkja
100 g lint smjör
Aðferð:
Svitið skalott- og hvítlaukinn í olíunni þangað til hann er orðinn mjúkur, hellið þá sambuccanu yfir og sjóðið niður um einn þriðja. Bætið grísasoðinu ásamt lárviðarlaufinu og stjörnuanísnum út í og sjóðið í 12 til 15 mín. við vægan hita. Smakkið til með salti og pipar, sigtið sósuna yfir í annan pott og þykkið með kornsterkju. Hrærið smjörinu varlega saman við. Ekki sjóða sósuna eftir að smjörinu er blandað saman við.
Aðferð
Penslið kambsneiðarnar með olíu og grillið á útigrillinu eða steikið á rifflaðri pönnu þangað til sneiðarnar eru fallega brúnaðar. Takið þær þá af hitanum og látið standa í 5 til 10 mín. undir loki. Á meðan eru sniglarnir brúnaðir á pönnu og kryddaðir með salti og pipar. Setjið sneiðarnar á diska, sniglana ofan á og hellið sósunni yfir.
Berið fram með ofnbökuðum kartöflum og smjörsteiktu spínati.
