fridrikv.is

Flæði.
Finnum sveigjanleikann og gefum eftir.
Karen Björk Óskarsdóttir fæddist 29. september 1974 á Akureyri.

Stundaði hún m.a. nám við Myndlistaskólann á Akureyri frá 1999 til 2005, fornámsdeild og síðan listhönnunardeild (grafísk hönnun).

Eftir nám fluttist Karen til Reykjavíkur og hóf störf við hönnun af ýmsum toga.

Hughrif tilfinninga og umhverfis hafa verið aðalinnblásturinn í verkum Karenar.

Þar túlkar hún tilfinningar á frjálslegan en djúpan hátt undir áhrifum líðandi stundar. Verk hennar að þessu sinni eru unnin með blandaðri tækni, akrýl á gler.

Innblásturinn að þeirri hugmynd varð til í námi hennar í listhönnunardeildinni og hefur Karen þróað hana síðan 2003.

Karen hefur tekið þátt í nokkrum samsýningum en er þetta hennar fyrsta einkasýning.